冇老闆(ゝ∀･)韓嘉嵐

今年真係過得好快    話咁快又到2013年最後一日

今年尾總公司有件大事發生    聽聞同貪污有關...

香港某部門老闆都要番去被查2個月 (今年某部門將會close添呀)

可能因為咁   公司想精簡架構

下年我地部門都冇老闆被派過嚟 (佢地話開業以嚟都未試過)...由大大老闆睇埋我地

阿姐聽到呢個消息勁upset    因為以前乜都老闆頂佐先

拔~  既然冇老闆已成事實    工作都係照樣做喇

只希望大大老闆係講道理既人   唔好咁大男人吧

老闆知道自己走心情大好   因為留喺到要食好多死貓

所以請我地食餐好既慰勞吓我地 (除佐呢餐仲有2餐好嘢好....3年以嚟未對我地咁好過)

牛肋骨好味    燒過龍都唔會韌

用嚟包菜+豆板醬真係好味到不得了

韓式豆板醬唔會好鹹    好香蒜頭味

呢間啲沙律菜冇新羅寶咁好味

呢隻煎餃同我買CP嗰隻差唔多味 (當然我冇煎得咁靚...唔知點解成日痴鑊   煎到啲皮爛晒)

有粉絲喺中間    點少少辣醬汁好味

呢個牛骨牛肉菜麵勁好味    每次我地都會request老闆order

個麵煮好耐都唔會淋   食時帶少少韌

煮時仲會加少少辣粉   調味粉   牛肉落去     好香牛骨湯味

超級好味

是晚約佐個好耐冇見既中學同學出嚟食飯傾計

又來懷念過去   來忘掉錯對

Hooray Bar & Restaurant   個view好得    飲嘢傾計一流

我乜都唔飲得    order佐杯薑乜乜飲 (超難飲)