小俊b'day(ﾟ∀ﾟ)ﾒLe 188

今年小俊生日

禾地一齊半日off休息下

下晝plan佐去lunch

夜晚本來叫佢去愉景灣   佢又話冇乜嘢行

去xx食泰菜   佢又話遠    去xx  又話諗下先    

xyzx#%&吖   乜都band架

算喇..知佢做嘢都好攰   休息下喇

最後食完個lunch諗住去太古城行下

點知....搭錯車上佐東廊

人算不如天算   番屋企瞓一陣吧!

呢間Le 188 上一個老闆帶過我地去

印象好好

188度維港景 + 食物質素好好

雖然唔算太多選擇   但全部都好新鮮

semi-buffet形式

望住個維港view慢嘆lunch真係寫意

日日唔駛做嚟嘆個lunch/tea就正囉(發緊白日夢。。。）

有即開生蠔

細細隻好有蠔味    

小俊過足癮喇   食佐好多轉 

最多選擇係沙律類   全部都好fresh

紅色嗰粒原來係鵝肝+唔知咩酸酸地既啫喱

口感好怪....

我要意大利雲利黑松露野菌

黑松露野菌好香   個汁好好味

小俊要煎鱸魚豆蔻汁

我本身一般鱸魚   肉質好鞋身   不過都好香魚味

同埋個皮煎得好脆

我成日覺得啲汁打成泡泡好似嘔白泡咁  哈~

甜品時間

佢個tiramisu杯一向整得好好   唔會太濕又香咖啡味

正方型朱古力嗰個都好好味  又唔會太甜

近排好hit下面嗰個甜品咁

叫咩雲喱拿浮波之類

個浮波應該係蛋白

怪怪既質感   

movenpick口味冇下面buffet咁多...

只得2款

12號晚同往年一樣切下蛋糕+送禮物

本來想買Thomas Trillion既..但唔就腳

最後都係買番Paul Lafayet

隻衰妹又嚟88卦卦

一見有新奇嘢就跳上嚟聞下玩下

攪住晒  haha

下面嗰兩嚿黑色嘢...其實原本係雪糕蛋糕嚟架

未經裝飾係醜樣佐既

不過未到正日已經被小俊開雪櫃發現佐

仲好開心話..好嘢有雪糕月餅食  (註:佢生日係9月份)

(汗)  平時好日都唔打開冰格架嘛....無啦啦又會開既