CWB而家真係冇啖好食 慘~
比啲金鋪, 化妝品, 錶鋪佔領晒
所以呢兩次生日飯都要轉移陣地去中環
The L Place都有幾間餐廳可以試
呢間Jung係fusion韓國菜
Jen仲以為食韓國菜一定有韓燒 仲好興奮話想食韓燒好耐 haha sorry..呢間冇架喎
前菜6款。。泡菜同薯仔都好味
老闆話韓國女仔好多都冇肚腩 係因為食得多泡菜
我都信架
生牛肉 佢地好欣賞
其實味道都ok既 有啲梨絲夾集住一齊 都好甜好爽脆既
不過我始終唔太接受到食生勾勾既肉...
一向都好鍾意韓國呢款撈沙律
之前老闆成日請食飯 我地都指定去新羅寶食
佢地lunch有一盆沙律係任食架 好好味
炸雞沙律
雞件炸得好脆 沙律都好新鮮
餃子年糕湯
個湯好甜好香胡椒味
燒牛肉 & 豬腩肉生菜包
一定要包埋韓式麵醬先好味~
呢幾次生日茄都冇準備蛋糕..又冇叫我買所以都冇cake切lu
所以叫個甜品點蠟燭吹就算 hehe 夠簡化
甜品選擇唔多 (可能韓國人唔like甜品)
紅豆糯米滋
&
雲喱拿雪糕配焦糖合桃
完全冇難度既甜品 but焦糖合桃好脆脆好味
祝你地生日快樂 新工做得順利&快啲搵到另一半喇
嘩，個牛肉他他好得人驚呀！！！
回覆刪除咁妳食唔食魚生呀？
係喇..好得人驚!!
刪除淨係會食三文魚 但都唔會食好多囉
木木六六..HAPPY SATURDAY今日有咩節目呀?
回覆刪除哈哈! 想食韓燒原來又無..實好失落!
我最like個沙律菜~牛肉生食真係好恐怖..好難想像入口+吞果下囉
三三不盡mimi 嗰日約佐爸媽食飯呀 成個禮拜冇約佢地食飯喇..
刪除haha 係架..邊諗到韓國嘢冇燒烤既啫
我好想學整個沙律菜呀 勁好味..不過老闆話要用好多調味先較到個汁架喎....
我有個朋友唔食牛但好like食呢個生牛肉...
二氧化碳木 早呀 今朝落毛毛雨呀 不過我無開遮 所以覺得有 d 凍 嘩哈 ~
回覆刪除韓國堅無肥人架 果次去 見到一個大山婆咋 其他全部都瘦嘅 所以我唔鍾意去韓國 嘩哈哈哈哈 ~
韓嘢呀 餃子年糕湯食完會唔會好漏架 ?! 但好吸引囉 ~
我 frd 整牛肉他他 不過我食一啖咋 接受唔到 ~~~~
燒牛肉/豬肉生菜包好正呀 紅豆糯米糍又正呀 呢期勁想食雪糕糯米糍 妳仲 po 埋出黎添 快啲 del 佢呀 哈 ~
三級片之~ 你即時變得好香豔呀 噚晚我嗰邊好大雨呀..好彩今日冇落啫 今朝真係凍佐好多呀 你覺唔覺呀?
刪除咁你每餐都食泡菜 試下work唔work吖 其實佢地既食量都大架喎..但就唔太肥囉
個湯唔漏架 好濃但唔係張住個口架隻~ 下次你試下吖 好多間都整得好好味
他他牛真係接受唔到呀 生肉喎..好難食入口
你成日都餓架喇 大食糯米滋之~