滿月+1st Mother's day(❁´▽`❁)

YEAH  我一個月大喇 

2014.05.10 農曆 2014.05.11 新歷  咁啱11號又係母親節

我既第一個母親節   講真感覺唔算太大   哈~

有時望住Nicole感覺仍然好奇妙   我。。有個囡  真係冇諗過   

因為成日覺得自己冇得生  哈~

農歷滿月姨婆同Nicole洗羶   

朝早同佢去飲茶遊佐一個圈  同埋剪佐少少頭髮  又用唔知咩葉同佢沖涼

而好多uncle同ee都記得Nicole滿月送上祝福

而家同佢傾計都會眼定定望實你

佢特別認得太婆同姨婆把聲   望住佢地個樣都特別唔同  好冧咁

之前肚仔有風既問題仍然存在   但吐奶就少佐   不過有時好多風都令佢好唔舒服

上兩個禮拜小俊個保險fd上嚟探bb   教我地用雞蛋包住啲銀器幫佢碌下個肚仔

又真係work喎  粒銀碌出嚟變佐色 (啲人話籃色=有風  紅色=有火)   瞓得舒服佐

雖然有好轉   但姨婆同俊媽都好膽心   日日都叫我同佢睇醫生

so上個禮拜睇ed   係有風同痰   要飲Nicole人生第一次藥水

講下講下離佐題添  haha  

11號簡簡單單同屋企人食飯+切蛋糕

個蛋糕係小俊個表弟整架 (佢咁啱去佐我之前成日去學整蛋糕嗰間嘢做學徒)  

越整越有水準   加油!

Farewell Mr Kang(ﾟ∀ﾟ)ﾒ King Ludwig Beerhall+洲際

update少少Nicole bb近況先

bb大個佐好多   連我日日對住佢都覺得佢重佐長佐個樣唔同佐

不過仍然係似boy多啲  哈~ 喺街啲人成日問係男定女嚟架 

同埋我覺得佢開始識聽人講嘢   扭計要抱鬧佢都識聽

(會即時停佐喊  聽下你講乜先  隔一陣又喊過  哈)

而家大約飲到160-180ml奶   所以都隔耐佐先食  我都可以有多少少時間休息

但間唔中又會食極唔飽咁   兩個鍾又叫食

個胃仍然係淺所以成日都會噴番啲奶出嚟  有時鼻口齊噴好似噴泉仔咁  希望大啲會有改善喇

未戒到夜奶   不過我都唔想咁快戒..因為始終早產b想佢吸收多啲

人地話bb會自己戒夜奶   有啲又話一歲都仲食ing夜奶 OMG....

講住咁多先

寫番老闆farewell先

老闆都走佐大約3個月喇    大老闆成日想改革   乜都想改  

我地請老闆去試德國菜

呢間最好味係鹹豬手同腸仔

鹹豬手個皮烤得好脆   咸咸香香最好送酒

腸仔就比較咸同膩   食少少已經飽ed   我地仲要每款打孖上

Mum B'day☆李公館

b媽生日 @李公館

同住年一樣喇   揀間未試過又有啲新菜色既   佢實like

今年b媽正日會喺歐洲渡過 (佢個濶佬朋友又請佢去旅行..羡慕!!)

所以提早一個禮拜慶祝

個茶壺係人地用嚟拉茶嗰啲

好得意    我成日爭住沖茶

下面個冰鎮咕嚕肉要預訂

即場order就冇個decoration

其實嫲嫲都like試新奇菜色   見佢見到個冰鎮咕嚕肉都好開心

除佐咕嚕肉仲有冰鎮菠蘿, 士多啤梨同梅

都幾特別  幾好味

又一年☆Pane Vino

踏入12點既生日我地都會吹下蠟燭食蛋糕

make a wish~

一食完就瞓 haha

今年小俊買佐Thomas Trillion既蛋糕

整得好靚  又出乎想像咁好味喎

左邊係士多啤梨酥皮

中間係吉士餡   頂層一塊朱古力薄片

佢好在朱古力同吉士都唔太甜   酥皮又脆  真係勁脆架

平時喺電視見到Thomas教整甜品已經覺得佢好勁

如果佢有開班教就好喇

Rosenana - 朱古力波波好靚    靚到唔捨得食

中間係蛋糕 + yogurt cream + 果茸 + 紅桑子cream  層層口感

but呢個蛋糕睇好味過食