四個月喇(❁´▽`❁)百日宴

豬樣

串串貢樣

滿月+1st Mother's day(❁´▽`❁)

YEAH  我一個月大喇 

2014.05.10 農曆 2014.05.11 新歷  咁啱11號又係母親節

我既第一個母親節   講真感覺唔算太大   哈~

有時望住Nicole感覺仍然好奇妙   我。。有個囡  真係冇諗過   

因為成日覺得自己冇得生  哈~

農歷滿月姨婆同Nicole洗羶   

朝早同佢去飲茶遊佐一個圈  同埋剪佐少少頭髮  又用唔知咩葉同佢沖涼

而好多uncle同ee都記得Nicole滿月送上祝福

而家同佢傾計都會眼定定望實你

佢特別認得太婆同姨婆把聲   望住佢地個樣都特別唔同  好冧咁

之前肚仔有風既問題仍然存在   但吐奶就少佐   不過有時好多風都令佢好唔舒服

上兩個禮拜小俊個保險fd上嚟探bb   教我地用雞蛋包住啲銀器幫佢碌下個肚仔

又真係work喎  粒銀碌出嚟變佐色 (啲人話籃色=有風  紅色=有火)   瞓得舒服佐

雖然有好轉   但姨婆同俊媽都好膽心   日日都叫我同佢睇醫生

so上個禮拜睇ed   係有風同痰   要飲Nicole人生第一次藥水

講下講下離佐題添  haha  

11號簡簡單單同屋企人食飯+切蛋糕

個蛋糕係小俊個表弟整架 (佢咁啱去佐我之前成日去學整蛋糕嗰間嘢做學徒)  

越整越有水準   加油!

小Nicole(❁´▽`❁)愛回家

話咁快過佐一個月   啱啱過佐既母親節就係Nicole bb滿月既日子

祝你快高長大  健健康康  快快樂樂

其實都未係好覺得自己做佐媽mi

不過的確係生佐Nicole後先感受到做媽mi真係唔容易 

要有無限愛心+心機+耐性先得

之前睇到NOW段片有句slogan

"Thank you for making me a Mother"

好touching    冇人天生識做媽mi

我會同你一齊努力   一齊學習架  小Nicole

由於早佐成個月出世    乜都未準備

喺我住院期間   小俊十分之忙碌攪bb啲嘢

整牀仔  執屋  買日用品等等....係..我地太老定諗住仲有個零月所以好多嘢都未攪

Nicole bb出世頭一日因為血糖太低(早產bb通常都會因為血糖低而低溫)

要瞓暖箱一日   出嚟餵奶包到成隻糉咁

♪♪(●^∀^●)♪♪ 小小木 20-24W

又係時候紀錄下小b成長歷程

31-Dec-13  照結構 (20W)

上次照超聲波小b仲係好細個

今次照已經有齊大小腦, 心肝脾肺腎等等內藏, 仲照到晒成排胸背骨出嚟

真係好神奇同奇妙   生命的奧秘 haha

問醫生睇唔睇到係男定女時

佢話bb對腳夾得好埋   用不同角度都唔係太清楚

不過照唔到明顯男性性器官   又見到陰部位置係 "lll" 形狀

應該係女仔嚟既

但醫生話   如果想清楚啲出去再照會好啲   唔係改錯名買錯衫仔就唔好喇

小俊聽到係女仔勁開心喇    連英文名都一早改埋

Nicol Nicol咁叫...我話如果唔係女咁叫乜名

佢話80%係女喇   跟住又再叫Nicol Nicol

而家book佐2月睇私家   因為東區好似冇得再照超聲波

24 Jan  見助產士

都係check基本嘢   血壓, 血糖, 檢尿, 聽心跳

今日都一齊正常   bb心跳真係好快   每分鍾百幾下

東區最近成立佐個新部門-助產士   

等一切正常既準媽咪可以由幾個助產士一直keep check住到生為止

有親切感啲   同埋都可能由呢幾個助產士接生

不過要乜事都冇既準媽咪先可以參加

希望2月飲完糖水冇妊娠糖尿就可以一直睇助產士喇

而家每晚Nicol都郁得比較明顯    由其瞓底嗰陣見到肚皮都郁

咁我就安心瞓喇

暫時報告完畢

♪♪(●^∀^●)♪♪ 小小木/俊

平安夜   聖誕快樂呀


我們這一家

將會由二人+喵  -> 三人+喵喇

感恩由知道有小b開始都冇乜唔舒服

係開初經常覺得好攰    小俊話我有渴睡症...初期真係坐低一陣都瞓得着

好好彩冇作嘔    只係有少少反胃作悶   冇乜胃口

但過佐3個月作悶感覺都冇埋

最感恩係平安去完個旅行番嚟

去之前都唔敢同b媽講...因為最早期時都唔係太穩定(但出發前嗰2-3個禮拜又好番啲)

而家就嚟五個月    開始見到少少肚腩咁

不過着濶身衫都唔係好覺眼    係覺得自己肥佐囉
(我真係好怕肥...希望到後期唔好肥腫到不可收拾既地步) 

mark低個檢查報告先

17/10  照oscar   護士話bb未夠12週所以度唔到

第一次見bb喺我肚入面   有心跳有四肢

個感覺真係好奇妙   

30/10  第二次照oscar

報告一切正常    過佐第一關

15/11  普通全身檢查

驗埋柏氏抹片    血壓, 糖尿都正常

今個月中開始感覺到小b喺我肚入面郁喇^^
有時我扒喺到   再反反轉時都feel到佢同時反反轉   好攪笑

31/12  會照結構   

希望一切順利 

  

未有之前有時會諗將來bb似邊個好   得意啲就好喇

而家佢喺我個肚入面

我只想佢健健康康   一切都正常就好