梅公司清盤 呢日借佐小俊架車去執笠清貨
見好耐冇見 順便出嚟食飯聚聚
之前睇人介紹pizzazaza 睇相好吸引已經好想試
地點又good 平日大坑好易拍車
越唔飲得就越想飲 我好想飲咖啡。。。
唯有飲花茶 呢個係花綠茶 好淡淡既茶
仲會不斷refill水 仲淡
(之前睇話可以適量地飲茶 只要唔過量係冇問題)
等佐佢地好耐所以勁肚餓
麵包籃冇記錯$10/$20籃
好抵食 配3款醬
包包暖暖的 最like都係配黑醋欖油
mixed green salad with pinenuts and grape jucie dressing
個dressing幾特別 食落有少少啤梨味
沙律菜都好新鮮
王生想試下麥批底pizza
佢仲好like黑毛豬 基乎次次食pizza都揀呢個料 haha
麥底比較硬身 冇薄批咁薄但都好脆
黑毛豬鹹鹹香香配pizza好好味
已經唔記得係咩意粉
好似係菇 但個醬太濃味我唔係咁like
反而個雲吞幾好
肉醬配黑醋幾match 雲吞皮煙煙韌韌咁
甜品時間~ tiramisu & churros配栗子蓉
tiramisu冇乜特別 唔重咖啡味亦唔算滑
反而個churros幾好味
有少少肉桂味 栗子蓉都幾滑同好香
我話咁啱得咁橋既事就係。。。
平時食開煙既梅姨今日冇食喎
我就知道佢同我一樣有佐喇
王生同小俊好fd 由小學識到而家 生日又只相差8日
第日我地個bb又可以做朋友仔一齊玩
諗起都覺得好攪笑
我都鐘意食佢pizza同意粉
回覆刪除但今次呢個意粉個味麻麻地...pizza好味啲
刪除兩木..大木+小木happy tuesday good morning
回覆刪除今日好好太陽呀~不過開始好凍..你記得著多件衫呀
麥pizza我都整過一次~係比一般pizza硬d~不過香麥味
沙律菜好新鮮呀~仲有個麵包藍都好正
哈哈! 唔好諗好想飲咖啡就無事啦~係呀! 自己有bb..身邊又有人有bb
係開心好多既~大家既生活開始變得一樣~之後好自然會成日約埋見
而生活圈子會漸漸圍有bb果d家庭既多~=我同老闆既生活圈子就係無小朋友既多囉
三mi~ 今日好好陽光呀 開始回暖喇 yeah!! 你都要記住保暖呀 你知你幾寒冰掌架喇
刪除我都記得你整過呀 原本我都想跟你整架 酵母都買埋..但未的唔起心肝整
麵包籃真係好好味 可能太肚餓既關係 haha
我已經冇諗生蠔, 貝殼類, 魚生, 咖啡 係佢地浮現喺我腦海咋 haha
係呀 物以類聚嘛 佢地又可以一齊玩社交都好啲~ 我有啲同事冇小朋友但都成日同有小朋友既家庭一齊 話咁樣開心啲熱鬧啲 我覺得你同老闆鍾意二人世界多啲^^
木木你有喜啊！好開心啊！最近好凍，小心身體啊！
回覆刪除^^ 知道喇, 我會小心身體
刪除簡唔中先一杯咖啡唔會咁大影響啩，咪當係 train 吓佢學飲咖啡囉，呵呵！
回覆刪除