其實而家乜節物節都冇乜特別慶祝
都係搵間自己想試既餐廳試下 又或者約幾個朋友食餐飯聚聚
前幾日問小俊會同我去邊樹食飯
(其實係想睇下佢有冇心同我去食 冇心我會嬲架 haha 佢而家好醒會扮諗..e e er er咁)
佢話想去船街搵間餐廳試下.....都好! 之前去ship 22試過都ok
但當日search下openrice有乜可以試 好似又冇乜啱心水
突然記得附近有間食crepe想試好耐 即刻whatsapp問小俊好唔好..但佢好少話唔好既
情人節當日好凍 (印象中好似得12度)
小俊仲問咁凍點解唔去食熱嘢 食crepe飽唔飽架 哈~ 我當然唔會理佢..想食就食喇
開頭心諗應該冇乜人咁凍去食crepe卦 大安指意冇book位
點知都full喎 好在2人位仲有2張預留比walk in客