四個月喇(❁´▽`❁)百日宴

豬樣

串串貢樣

滿月+1st Mother's day(❁´▽`❁)

YEAH  我一個月大喇 

2014.05.10 農曆 2014.05.11 新歷  咁啱11號又係母親節

我既第一個母親節   講真感覺唔算太大   哈~

有時望住Nicole感覺仍然好奇妙   我。。有個囡  真係冇諗過   

因為成日覺得自己冇得生  哈~

農歷滿月姨婆同Nicole洗羶   

朝早同佢去飲茶遊佐一個圈  同埋剪佐少少頭髮  又用唔知咩葉同佢沖涼

而好多uncle同ee都記得Nicole滿月送上祝福

而家同佢傾計都會眼定定望實你

佢特別認得太婆同姨婆把聲   望住佢地個樣都特別唔同  好冧咁

之前肚仔有風既問題仍然存在   但吐奶就少佐   不過有時好多風都令佢好唔舒服

上兩個禮拜小俊個保險fd上嚟探bb   教我地用雞蛋包住啲銀器幫佢碌下個肚仔

又真係work喎  粒銀碌出嚟變佐色 (啲人話籃色=有風  紅色=有火)   瞓得舒服佐

雖然有好轉   但姨婆同俊媽都好膽心   日日都叫我同佢睇醫生

so上個禮拜睇ed   係有風同痰   要飲Nicole人生第一次藥水

講下講下離佐題添  haha  

11號簡簡單單同屋企人食飯+切蛋糕

個蛋糕係小俊個表弟整架 (佢咁啱去佐我之前成日去學整蛋糕嗰間嘢做學徒)  

越整越有水準   加油!

Farewell Mr Kang(ﾟ∀ﾟ)ﾒ King Ludwig Beerhall+洲際

update少少Nicole bb近況先

bb大個佐好多   連我日日對住佢都覺得佢重佐長佐個樣唔同佐

不過仍然係似boy多啲  哈~ 喺街啲人成日問係男定女嚟架 

同埋我覺得佢開始識聽人講嘢   扭計要抱鬧佢都識聽

(會即時停佐喊  聽下你講乜先  隔一陣又喊過  哈)

而家大約飲到160-180ml奶   所以都隔耐佐先食  我都可以有多少少時間休息

但間唔中又會食極唔飽咁   兩個鍾又叫食

個胃仍然係淺所以成日都會噴番啲奶出嚟  有時鼻口齊噴好似噴泉仔咁  希望大啲會有改善喇

未戒到夜奶   不過我都唔想咁快戒..因為始終早產b想佢吸收多啲

人地話bb會自己戒夜奶   有啲又話一歲都仲食ing夜奶 OMG....

講住咁多先

寫番老闆farewell先

老闆都走佐大約3個月喇    大老闆成日想改革   乜都想改  

我地請老闆去試德國菜

呢間最好味係鹹豬手同腸仔

鹹豬手個皮烤得好脆   咸咸香香最好送酒

腸仔就比較咸同膩   食少少已經飽ed   我地仲要每款打孖上

小Nicole(❁´▽`❁)愛回家

話咁快過佐一個月   啱啱過佐既母親節就係Nicole bb滿月既日子

祝你快高長大  健健康康  快快樂樂

其實都未係好覺得自己做佐媽mi

不過的確係生佐Nicole後先感受到做媽mi真係唔容易 

要有無限愛心+心機+耐性先得

之前睇到NOW段片有句slogan

"Thank you for making me a Mother"

好touching    冇人天生識做媽mi

我會同你一齊努力   一齊學習架  小Nicole

由於早佐成個月出世    乜都未準備

喺我住院期間   小俊十分之忙碌攪bb啲嘢

整牀仔  執屋  買日用品等等....係..我地太老定諗住仲有個零月所以好多嘢都未攪

Nicole bb出世頭一日因為血糖太低(早產bb通常都會因為血糖低而低溫)

要瞓暖箱一日   出嚟餵奶包到成隻糉咁

小Nicole(❁´▽`❁)411趕住出世

11.4.2014

我同小俊既小Nicole bb出世喇

小b早佐個零月出世   實在令我地措手不及

雖然唔足月  但感恩既35w1全部器官都生齊晒

係磅數輕佐少少同細粒佐少少

講番當日發生既經過先

話說當日照常番工   下晝約佐助產仕覆診

東區助產仕真係幾好   懷孕中至後期都由大約4-5個助產仕跟進

由32w開始要每日數胎動   每日小b最少要郁十次以上   

由於我每次去覆診都同助產仕講唔夠十次 (有時做嘢忙佢真係一個下晝都冇郁)

so今次佢捉佐我去駁機check小b心跳

一check就出事lu   駁佐機唔夠10分鍾   部機就bi bi bi響

當時我仲好老定咁

跟住有5-6個護士+醫生入佐嚟睇部機

then就同我講小b有一刻心跳跌佐落70   雖然跟住又升番

連照ultrasound都睇唔到咩事

醫生同我講再睇多一陣  情況冇好轉可能要開刀生   叫我打比小俊

跟住有個老啲既護士問我諗成點...要即時決定開唔開刀

當時我先識驚   一來未有心理準備喇  二來驚小b未發育完成就出世

呢個時候助產仕冼姑娘上佐嚟解釋比我聽35w1其實都好安全  而且小b有5磅都好ok

雖然聽完都安心佐少少   但我一見到冼姑娘就不停喊

小俊出現啲眼淚流得仲勁    好驚小b有事

4點幾被安排入佐產房

醫生話穿水+打催生針   試下自己生

一直都仲有駁機check住小b心跳   穿佐水過佐30分鍾

子宮開始收縮   條腰開始痛   但當時一度都未開

小b心跳又有一刻跌佐落70

所以醫生決定唔等   直接推我入手術室開刀

開刀過程唔駛20分鍾   小Nicole就出佐世喇

手術期間一直都好驚   直至小俊同我講見到小Nicole出佐世&聽到佢既喊聲先定啲

跟住姑娘放佐小Nicole喺我面旁   好溫暖既面仔

又驚又喜既6小時過去了

Dadi Mami希望你健健康康快快樂樂成長呀

♪♪(●^∀^●)♪♪ 小小木 28-32W

小小木而家已經34W喇

前日去佐照4D已經有5lb幾   感恩一切正常

頭仔已經已經調佐

小俊話小小木個樣好似男仔     眼大鼻大咀大   haha

我話個個bb都係咁樣架喇

講番之前先...驚生之前都冇時間update呀

因為呢排好忙呀...5月頭開始放產假所以要同同事調轉工作

機乎日日都要OT咁滯    好耐冇煮飯添呀

之前聽人講最好喺34W前買齊所有嘢    因為34W之後個肚越嚟越大行得耐會辛苦啲

同埋真係唔知自己個肚會唔會脹到無限咁大

我而家個肚圍已經超過40喇。。。真係好難接受個肚大到貢

有時個肚好重時行得耐都比較攰同埋慢   但有時又好輕跑跳都得喎..好神奇

不過好彩之前都買齊晒大部份嘢

衫仔, 床品, 包被, 煲奶器...都已經買晒    其他車仔, 床仔等等又有人比我地 (慳番唔少 hehe)

b媽話合桃有助bb腦部發展

佢話佢同事就係食佐好多合桃個b好好記性    所以不停買合桃比我食

唔知有冇用但都食喇    反正冇害既

27 Feb 飲糖水做妊娠糖尿測試

聽聞杯糖水超難飲   有啲人會飲到反胃嘔番出嚟

只要嘔佐測試都唔準確   要book期再飲過

所以飲之前都有心理準備    要叻啲唔好嘔   慢慢飲

頭幾啖都ok接受到   但飲到尾真係甜到打冷陣...好彩我都like食甜嘢啫    都仲接受到

飲前抽血   等兩粒鍾再抽    當日冇打比你就表示合格

嗰日一聽到電話聲就驚一驚   因為我好like食甜嘢架嘛    有妊娠糖尿就冇得食...

好彩合格啫

Valentine's day(ﾟ∀ﾟ)ﾒLa Creperie

其實而家乜節物節都冇乜特別慶祝

都係搵間自己想試既餐廳試下   又或者約幾個朋友食餐飯聚聚

前幾日問小俊會同我去邊樹食飯 

(其實係想睇下佢有冇心同我去食   冇心我會嬲架 haha   佢而家好醒會扮諗..e e er er咁)

佢話想去船街搵間餐廳試下.....都好!   之前去ship 22試過都ok

但當日search下openrice有乜可以試   好似又冇乜啱心水

突然記得附近有間食crepe想試好耐    即刻whatsapp問小俊好唔好..但佢好少話唔好既

情人節當日好凍 (印象中好似得12度)

小俊仲問咁凍點解唔去食熱嘢   食crepe飽唔飽架  哈~ 我當然唔會理佢..想食就食喇

開頭心諗應該冇乜人咁凍去食crepe卦    大安指意冇book位

點知都full喎   好在2人位仲有2張預留比walk in客

糖妹♫♥自製玩具

\(*ﾟ▽ﾟ*)/愛回家

有佐小木之後隔個禮拜都會番媽咪屋企食飯

b媽終於都有時間理下我   煲下湯比我飲 (感動中)

唔係誇架...約朋友  煲劇   近呢兩個月先學識玩candy  而家勁沈迷

有時佢同爸爸為佐快啲打機   求其食快餐就算...服佐佢地

所以之前想約佢都好難

獲益(ゝ∀･)Tiffin茶園lunch

老闆走之前銀行原本想同佢farewell

但佢唔得閒去   益佐我地

記得N年前好like食甜品   甜品當飯食

真係試過全日番工都掛住嗰件cheesecake   一放工就去sogo買當飯食

成日比b媽鬧正餐就話飽   煮得咁辛苦又唔食 bababa

so間唔中會同小俊&同事去君悅Tiffin食甜品消夜buffet

好記得嗰年係2003年   我地仲帶住口罩去食

同banker食飯都影相  haha    因為佢地同阿姐識佐十幾廿年   勁熟   好causal既一餐

Tiffin既lunch質素的確唔錯

salad bar好多選擇而且全部都好新鮮

好多款不同既salad菜   仲有好多nuts同sause揀

同其他buffet差唔多   冷盤比熱葷吸引

佢個自家製三文魚醬, 吞拿魚醬, 新鮮包包, 煙肉卷, 即焗肉批, 三文魚酥皮撻都好好味

每part都有一個廚師專門負責

赤柱(ゝ∀･)的小天使

小俊早排貪得意買佐架車玩

佢每次想買車都會上網睇好耐先決定   對上一次買已經係8年前既事

揸揸下覺得冇乜用賣佐  事隔8年又心思思想買 揸佐8個月  又覺得冇乜用又想賣 haha  搵嚟攪 跟住我又見佢上網睇車  今次係七人車。。。話方便同bb出街玩

三人自駕遊(≧▽≦)神戶四國2013 Day1-1

10-16 Oct 神戶四國自駕遊之旅 8:05出發

今次旅行都plan佐好耐

上次我去沙巴時佢地最後決定去四國

我就冇乜所謂既   只要未去過就ok

今次搭印航 8:05機

時間來回最好   早機去晏機番

去之前啲朋友問驚唔驚印航機有味呀....

結果係唔駛驚   係冇既

食完個麥記早餐先上機so飛機餐都冇乜點食

同埋都麻麻地好味

♪♪(●^∀^●)♪♪ 小小木 20-24W

又係時候紀錄下小b成長歷程

31-Dec-13  照結構 (20W)

上次照超聲波小b仲係好細個

今次照已經有齊大小腦, 心肝脾肺腎等等內藏, 仲照到晒成排胸背骨出嚟

真係好神奇同奇妙   生命的奧秘 haha

問醫生睇唔睇到係男定女時

佢話bb對腳夾得好埋   用不同角度都唔係太清楚

不過照唔到明顯男性性器官   又見到陰部位置係 "lll" 形狀

應該係女仔嚟既

但醫生話   如果想清楚啲出去再照會好啲   唔係改錯名買錯衫仔就唔好喇

小俊聽到係女仔勁開心喇    連英文名都一早改埋

Nicol Nicol咁叫...我話如果唔係女咁叫乜名

佢話80%係女喇   跟住又再叫Nicol Nicol

而家book佐2月睇私家   因為東區好似冇得再照超聲波

24 Jan  見助產士

都係check基本嘢   血壓, 血糖, 檢尿, 聽心跳

今日都一齊正常   bb心跳真係好快   每分鍾百幾下

東區最近成立佐個新部門-助產士   

等一切正常既準媽咪可以由幾個助產士一直keep check住到生為止

有親切感啲   同埋都可能由呢幾個助產士接生

不過要乜事都冇既準媽咪先可以參加

希望2月飲完糖水冇妊娠糖尿就可以一直睇助產士喇

而家每晚Nicol都郁得比較明顯    由其瞓底嗰陣見到肚皮都郁

咁我就安心瞓喇

暫時報告完畢

( ´ ▽ ` )ﾉTeavers

早排同莉莉經過西灣河見到間飲茶小店幾靚

話搵日嚟試    番去同小俊傾開佢都話想試

襯x'mas假期 (今個假期佢得一日可以陪我全日咋)   

小俊竟然記得呢間嘢    朝早同俊嫲飲完茶番屋企hea陣就去tea   跟住去朋友屋企BBQ

一坐低就放低一盤茶葉 & ipad 你慢慢揀

寫低晒各款茶既特性

而食物方面只提供2-3款蛋糕 & toast

我要佐個玫瑰果醬toast

toast烘得好脆   唔會馬馬乎乎

而玫瑰果醬味道都ok   係稀佐少少

小俊要佐個brownies

都重朱古力味   係中間唔夠濕潤

俊好保守茶earl grey   如果我聽到佢要earl grey唔會比佢order架 (好專制呀呵  呵呵~)

我都識沖喇    同埋咁多款茶可以試

茶配上小餅仔兩塊    好脆&好鬆化

個茶壺同茶杯都好得意   我覺得有啲似青蛙王子

但個杯設計得唔好   好難揸

我既龍井定烏龍呢...latte   用茶嚟沖完全冇咖啡成份

好香茶同奶味    好幼滑 (記得喺台灣飲過杯普洱latte  勁好飲    個味道幾年仲停留喺我腦海)

呢杯雖然冇嗰杯咁好飲    但都有90分