11.4.2014
我同小俊既小Nicole bb出世喇
小b早佐個零月出世 實在令我地措手不及
雖然唔足月 但感恩既35w1全部器官都生齊晒
係磅數輕佐少少同細粒佐少少
講番當日發生既經過先
話說當日照常番工 下晝約佐助產仕覆診
東區助產仕真係幾好 懷孕中至後期都由大約4-5個助產仕跟進
由32w開始要每日數胎動 每日小b最少要郁十次以上
由於我每次去覆診都同助產仕講唔夠十次 (有時做嘢忙佢真係一個下晝都冇郁)
so今次佢捉佐我去駁機check小b心跳
一check就出事lu 駁佐機唔夠10分鍾 部機就bi bi bi響
當時我仲好老定咁
跟住有5-6個護士+醫生入佐嚟睇部機
then就同我講小b有一刻心跳跌佐落70 雖然跟住又升番
連照ultrasound都睇唔到咩事
醫生同我講再睇多一陣 情況冇好轉可能要開刀生 叫我打比小俊
跟住有個老啲既護士問我諗成點...要即時決定開唔開刀
當時我先識驚 一來未有心理準備喇 二來驚小b未發育完成就出世
呢個時候助產仕冼姑娘上佐嚟解釋比我聽35w1其實都好安全 而且小b有5磅都好ok
雖然聽完都安心佐少少 但我一見到冼姑娘就不停喊
小俊出現啲眼淚流得仲勁 好驚小b有事
4點幾被安排入佐產房
醫生話穿水+打催生針 試下自己生
一直都仲有駁機check住小b心跳 穿佐水過佐30分鍾
子宮開始收縮 條腰開始痛 但當時一度都未開
小b心跳又有一刻跌佐落70
所以醫生決定唔等 直接推我入手術室開刀
開刀過程唔駛20分鍾 小Nicole就出佐世喇
手術期間一直都好驚 直至小俊同我講見到小Nicole出佐世&聽到佢既喊聲先定啲
跟住姑娘放佐小Nicole喺我面旁 好溫暖既面仔
又驚又喜既6小時過去了
Dadi Mami希望你健健康康快快樂樂成長呀
偉大的媽媽睇到我都好感動! 恭喜你地啊!! 祝小BB健康成長!
回覆刪除恭喜哂呀王木木!總算有驚無險,希望小 Nicole 健健康康成長啦!
回覆刪除真係好驚險,希望小公主食多啲奶奶,健健康康,快高長大
回覆刪除早左成個月,怪不得咁輕~ 最緊要無事,平安健康 ~
回覆刪除恭喜大木小木..好在果日覆診咋..起碼醫生護士即時幫到你
回覆刪除祝小木快高長大..身體健康..聰明伶俐
大木小木呀 恭喜哂 ~~
回覆刪除雖則好驚險 但最後都平安無事 感恩呢 ~~
祝大木身體極速復原 極速修身 哈哈 ~
祝小木身體健康 快高長大 ~
恭喜恭喜!
回覆刪除Nicole健健康康、活活潑潑^_^
恭喜恭喜
回覆刪除Nicole小公主好可愛,健健康康飲多D奶奶快高長大呀
恭喜木木呀, 小公主一定會快高長大架!!
回覆刪除我家細佬就係人版, 出細時唔重, 但之後已經肥嘟嘟, 所以你地唔駛擔心架!!